الحلم*************

الحلم the dream le rêve ، حاجة كلنا نتمسك بها ، في الي بينفذ معناها الحرفي ويحضنها بأسوار عقله اللاواعي ، وفيه اللي بيبدأ يطبقها علي أرض الواقع ، رجال التنمية البشرية قالوا ومازالو (الحلم هو ما لا يمكن قياسه علي أرض الواقع الي عند تفريعه لأهداف ) ، وطبعاً دا بصيغتي ، المهم في مقالتي النهاردة مش معناه إنما التشجيع عليه ، التحفيز إن كلنا نحلم ، ونتمسك جداً بحلمنا ، ونصر إننا نِلَمِسُه الأرض ، ومفيش واحد نام صحى لقى نفسه مدير مستشفي ، أي أمر لازم له هيكل عام وبعدين لو دققت له هتلاقيه مليان تفاصيل ، بس صدقني لو ابتديت دلوقتي تبص علي التفاصيل دي عينك تزغلل وتحس بصداع يفرتك قشرة دماغك الخارجية ، واحنا محتاجين عقلك وأنه يفضل متصان الفترة اللي جاية جداً ، الي استخلصته من فيدوهات ومقالات وكتب ، كان بسيط ، حط عنوان فجذور ثم الفروع والأوراق وانتظر حينا إذن الثمار ، ممكن المحصول يبوظ بس لو يئست مش هتحس بطعمه الحلو لما فعلاً ينضج ويكون تحت إشراف عنايتك الخاصة ، الحلم هو اللي بيخليك عايش ، ويفرقك عن غيرك ، الحلم والرؤية يعني مستقبل مادام احياك الله يبقي هتوصل ، تصميم وإرادة وصبر وطولة بال ، هدف تقعد اسبوع تحققه ، بعدين تأكد عليه بأسبوع تاني ، وهدف ثاني يحتاج لشهر ، وبعدين تنزل بالولد تقش وتيجي تعد تلاقي الورق معاك ، واكيد ذي الكوتشينة في بصرة ، وعندنا هنا بتبقي مكفأة بتحفزك انك تكمل ، وكل ما تحس انك بتخسر و في عواصف من كلام الناس من كائنات بيطوحباطية ، من ظروف مش الي هي ، من هفوات واخطاء مش في معادها كل ما تحس بمتعه ، الطريق السهل صدقني ممل ويزهق ، والفرح مبيجيش غير بعد لحظة حزن ، مبنحسش بالنوم ونعيمه فعلاً غير لما تكون مطبق وخلصان وخاصة في حاجة عافرة عشان تتحق ، يبقي مستني إيه ، بالنسبة ليا كان إني اخد 10/10 في مواضيع التعابير في إبتدائي ، ثم الإذاعة في إعدادي ، وفي ثانوي أكتب في مجلة المدرسة ، وفي الجامعة المقالات والقصص ، حلمي كتاب هكتبه وناس تقراه وتستمتع ، اني ادور في البوم ذكرياتي واشوف اني راعيته ومازلت ...